2023-cü il noyabrın 27-28-də Xəzər Universitetində Mehmet Akif Ersoy`un anadan olmasının 150 illiyinə həsr olunmuş elmi simpozium keçirildi. Xəzər Universiteti, TİKA (Türkiyə Cümhuriyyəti Mədəniyyət və Turizm Nazirliyi, TÜRKSOY (Uluslarararası Tütk Mədəniyyəti Təşkilatı), Ankara Sosial Elmlər Universiteti və Türkiye Yazarlar Birliyinin təşkilatçılığı ilə keçirilən simpoziumda şəhidlərin xatirəsi sükutla yad edildi. Azərbaycan Respublikasının və Türkiyə Cümhuriyyətinin himnləri ifa olundu, “Çırpınırdı Qara dəniz” mahnısı videoformatda təqdim edildi.
Açılış mərasimində Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Türkiyə Yazarlar Birliyinin sədri, Ankara Sosial Emlər Universitetinin rektoru Prof.Dr. Musa Kazım Arican, Milli Məclisin deputatı Fazil Mustafa, Xəzər Universitetinin rektoru Dos. İradə Xəlilova, TÜRKSOY Baş katibliyindən Cavid Mövsümlü, TİKA koordinatoru Fatih Yılmaz açılış nitqi söylədilər. Çıxışlarda Mehmet Akif Ersoy`un Türk xalqının milli mübarizəsinin mənəvi cəbhəsinin gücləndirilməsində böyük rolu, yazdığı “İstiqlal marşı”nın Türkiyə Böyük Millət Məclisi tərəfindən Türkiyənin Milli Himni kimi qəbil edildiyi, millət vəkili kimi fəaliyyəti qeyd olundu.
Türkiyənin Yazarlar Birliyindən Mehmet Doğanın “Dövrünü aşan böyük şair, fikir və mübarizə adamı” adlı məruzəsinin dinlənilməsi ilə konfrans bugünkü işini başa çatdırdı.
Sonda Prof.Dr. Musa Kazım Arican Prof.Akad, Hamlet İsaxanlı, Fazil Mustafa, İradə Xəlilova və Xəzər Universitetinin İctimai əlaqələr və media üzrə direktoru Əlövsət Əmirbəyliyə hədiyyə təqdim etdi.
Noyabrın 28-də simpozium işini davam etdirdi. Azərbaycan və Türkiyə alim və mütəxəssisləri – Dr. Mehmet Doğan, Prof. Bədirxan Əhmədov, Prof.Dr. Fazil Gökçek, Prof. Dr. Zeki Taştan, Prof. Dr. Ergün yıldırım, Prof. Dr. İsmail Güleç, Prof. Dr. Ridvan Canım, Prof. Dr. Bilal Kemikli, Prof.Dr. Turan Karataş, Prof. Dr.Caner Arabacı, Dos. Dilbər Zeynalova, Doç.Dr. Mühammet Enes Kala, Dr. Söhrab Mustafayev, Dr. Nazif Öztürk, Dr. Hayrettin Güler, Sayman Aruz, Mustafa Özçelik, Ali Tokmak və Mehmet Kurtoğlu`nun Mehmet Akif Ersoy`un həyat və yaradıcılığı ilə əlaqədar müxtəlif mövzularda məruzələri dinlənildi.
Həmin gün axşam Xəzər Universitetinin Mərkəz kampusunda Fikrət Əmirov Konfrans-Konsert Mərkəzində simpozium iştirakçılarına konsert proqramı təqdim olundu. Xəzər Universiteti Kamera Orkestri (bədii rəhbər Xəzər Universiteti Musiqi və incəsənət departamentinin müdiri, əməkdar müəllim, tanınmış pianoçu Zülfiyyə Sadıqova), universitetin Qızlardan ibarət Rəqs Ansamblı və solistlərin iştirakı ilə Azərbaycan, türk və dünya musiqisindən nümunələr səsləndi, rəqslər nümayiş olundu.