Xəzər Universitetinin təsisçisi, Direktorlar və Qəyyumlar Şurasının sədri
cənab Hamlet İsaxanlıya
Hörmətli Hamlet müəllim,
Azərbaycanın uzunmüddətli və etibarlı tərəfdaşı kimi bp ölkədəki sosial fəaliiyətləri çərçivəsində prioritet sahələrdən biri olan təhsilin inkişafına daim dəstək vermişdir. Hesab edirik ki, yerli universitetlərin tələbələri və müəllim heyətinə öz ana dilində dünyanın ən yaxşı akademik kitablarından istifadə imkanının yaradılması mühüm əhəmiyyət kəsb edir.
Bununla əlaqədar qeyd etmək istərdim ki, bp şirkəti 2018-ci ildən bəri dəstəklədiyi sosial layihələr çərçivəsində beynəlxalq miqyasda tanınmış 24 akademik dərsliyin ingilis dilindən Azərbaycan dilinə tərcüməsinə və çapına nail olub. Dərsliklər beynəlxalq iqtisadiyyat, makro və mikro iqtisadiyyat, menecmentin əsasları, bank işi və maliyyə bazarları, tədarük-təchizatın idarə edilməsi, insan resuslarının idarə olunması, media və kütləvi kommunikasiyalar, marketinqin prinsipləri, sosial işlərdə etik dəyərlər kimi mövzuları əhatə edir. Qeyd edilən 24 dərslikdən 19-u artıq ictimaiyyətə, o cümlədən ölkənin ali məktəb və kitabxanalarına təqdim edilib. Layihə çərçivəsində daha 5 dərsliyin Azərbaycan dilinə tərcüməsi və nəşri bu günlərdə yekunlaşıb və ictimaiyyətə təqdim olunub. Böyük məmnuniyyətlə Sizin universitet üçün nəzərdə tutulan nüsxələri bu məktuba əlavə edərək universitetinizə hədiyyə edirik.
Bir daha Sizə ən xoş arzularımı çatdırır və Azərbaycan Respublikasının tərəqqisi naminə fəaliyyətinizdə davamlı uğurlar arzu edirəm.
Hörmətlə,
Bəxtiyar Aslanbəyli
BP-nin Xarici əlaqələr və kommunikasiya üzrə vitse-prezident
Xəzər regionu