2021-ci il noyabrın 26-da Xəzər Universitetinin rəhbərliyi Türkiyənin Selçuk Universitetinin nümayəndəsi ilə görüş keçirmişdir. Görüşdə Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı, universitetin rektoru dosent İradə Xəlilova və Selçuk Universitetinin Mikrobiologiya Departamentinin professoru Uğur Uslu iştirak etmişdir.
Görüşdə Xəzər Universiteti və Selçuk Universiteti arasında baytarlıq təbabəti sahəsində iş birliyi, magistratura və doktorantura tələbələrinə elmi rəhbərlik, birgə elmi işlər, konfrans, seminar və layihələr haqqında müzakirələr aparılmışdır.
