Azərbaycan Respublikası Dövlət Miqrasiya Xidməti və Xəzər Universitetinin təşkilatçılığı ilə 2017-ci il fevralın 17-də universitetin Neftçilər kampusunun Mərmər salonunda Dövlət Miqrasiya Xidmətinin 10 illiyi münasibətilə “Azərbaycanda miqrasiya siyasəti: nailiyyətlər və inkişaf perspektivləri” mövzusunda elmi-praktik konfrans işinə başladı.
Tədbirdə Xəzər Universitetinin, Dövlət Miqrasiya Xidmətinni (DMX), dövlət qurumlarının, ölkədə fəaliyyət göstərən beynəlxalq və qeyri-hökumət təşkilatlarının nümayəndələri, Milli Elmlər Akademiyasının, ali təhsil müəssisələrinin elmi əməkdaşları və xarici ekspertlər iştirak edirdilər.
Konfrans DMX-nin keçdiyi inkişaf yolunu əks etdirən qısametrajlı filmin nümayişi ilə başlandı. Sonra Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı konfransı açaraq, müzakirə olunan mövzunun mühümlüyünü və əhəmiyyətini nəzərə çatdırdı. O, həmçinin, iştirakçılara Xəzər Universiteti haqqında da qısa məlumat verdi.
DMX rəisinin müavini Pərviz Musayev çıxışında xidmətin yaranma tarixi, fəaliyyət istiqamətləri, 10 il ərzində əldə edilən uğurlar və nailiyyətlər barədə konfrans iştirakçılarını ətraflı məlumatlandırdı.
BMT-nin Qaçqınlar üzrə Ali Komissarlığının (QAK) Azərbaycandakı nümayəndəsi Furio de Angeles, Beynəlxalq Miqrasiya Təşkilatının (BMqT) Azərbaycandakı nümayəndəliyinin rəhbəri Serhan Aktoprak çıxış edərək, miqrasiya probleminin mühüm cəhətlərindən söz açdılar.
Açılış mərasimindən sonra elmi-praktik konfransın plenar iclasında ölkə və xarici mütəxəssislərin məruzələri dinlənilməyə başlandı.
Məruzələr ətrafında müzakirələrdən sonra elmi-praktik konfransın qətnaməsi qəbul ediləcək.
On February 17, 2017, Khazar University and the State Migration Service of the Republic of Azerbaijan jointly held a conference to celebrate 10 years of the State Migration Service in Azerbaijan in the “Marble Hall” on Khazar University’s Neftchilar Campus. The topic of the conference was “Migration Policy in Azerbaijan: Achievements and Development Perspectives”.
The conference was attended by officials and staff members of Khazar University, the State Migration Service, governmental and international agenices, NGOs as well as scholars and experts of Azerbaijan National Academy of Sciences and other Azerbaiajni higher educational institutions.
The conference was opened with a short film highlighting achievements of the State Migration Service in Azerbaijan.
Professor Hamlet Isaxanli, the founder of Khazar University and Chairman of its Board of Directors and Trustees, made an opening speech in which he stressed the importance of the conference topic. He also gave brief information about Khazar University to the audience .
Pariz Musayev, Deputy-Director of the State Migration Service of Azerbaiajn, spoke about the history of the agency, its activities and achievements in the past decade.
Other speeches were made by Furio de Angelis, Head of UNHCR Office in Baku and Serhan Aktoprak, Director of the International Organization for Migration
The opening ceremony was followed by a panel.
Following discussions, resolutions will be accepted at the end of the conference.