2019-cu il mayın 16-da Xəzər Universiteti İngilis dili və ədəbiyyatı departamentinin təşkil etdiyi növbəti poeziya günü dahi Azərbaycan şairi, filosofu İmadəddin Nəsimiyə həsr olundu. Tədbiri departamentin müdiri professor Bəhmən Amani açdı və Nəsiminin Şərq və dünya ədəbiyyatında rolundan danışdı, fars dilində Nəsiminin şeirlərini oxudu.
Departamentin baş müəllimi Firəngiz Nəsirova Nəsiminin ingilis dilinə tərcümə olunmuş “Məndə sığar iki cahan” və Hamlet İsaxanlının “Təzadlar” şeirlərini söylədi. Dillər və ədəbiyyatlar kafedrasının müəllimi Qardaşxan Əzizxanlı tələbə və müəllimlərə Nəsimi poeziyasının incilərindən təqdim etdi. Poeziya günü tələbələrin fəal iştirakı ilə keçdi.