2019-cu il mayın 13-ü və 14-də Lomonosov adına Moskva Dövlət Universitetində, həmin universitetin rektoru professor Sadovniçiy Viktor Antonoviçin 80 illik yubileyinə həsr olunmuş “Riyaziyyatın müasir problemləri” adlı konfrans baş tutdu.
Xəzər Universitetinin təsisçisi, Direktorlar və Qəyyumlar Şurasının Sədri professor Hamlet İsaxanlı da konfransda iştirak etdi və o, professor V.A.Sadovniçiyi Xəzər Universiteti və Azərbaycan riyaziyyatçıları adından təbrik etdi. Professor İsaxanlı 80 illik yubileyi münasibətilə Professor Sadovniçiyə Azərbaycan xalça ustalarının xüsusi hazırladığı Şirvan xalçası, həmçinin, müəllifi olduğu “Xəzərin sorağında” (In Search of Khazar/ В поисках Xазарa) və 2018-ci ildə Xəzər Universitetində keçirilmiş konfrans əsasında çap olunmuş eyniadlı “Operators, Functions, and Systems of Mathematical Physics Conference” (Hamlet İsayev. İsaxanlının 70 illik yubileyinə həsr olunmuş beynəlxalq konfrans) kitablarını hədiyyə etdi.
