[:az]Martın 1-də Xəzər Universitetinin Mərmər salonunda Təhsil fakültəsinin təşkilatçılığı ilə poeziya və musiqi gecəsi keçirildi. Tədbir Xəzər Universitetinin təsisçisi, Direktorlar və Qəyyumlar Şurasının sədri şair Hamlet İsaxanlının yaradıcılığına həsr olunmuşdu. Tədbirdə universitetin professor-müəllim heyəti, qonaqlar iştirak edirdilər. Xəzər Universitetinin himni ilə başlanan mərasimdə tələbələrin ifasında H. İsaxanının şeirləri səsləndi, onun sözlərinə yazılmış mahnılar ifa olundu. Poeziya və musiqi gecəsi H. İsaxanlının ad günündə keçirildiyindən, universitetin Humanitar və sosial elmlər fakültəsinin dekanı Cabir Xəlilov, Təhsil fakültəsinin dekanı Elza Səmədova və başqaları şairi təbrik etdilər. Konsert proqramında universitetin qızlardan ibarət xor və rəqs kollektivləri, əməkdar artist İlqar Muradov, bəstəkar Tahir Əkbər, universitetin Musiqi və incəsənət departamentinin müəllimi Məhsəti Cabbarova və başqaları iştirak etdilər. Sonda H. İsaxanlı tədbirin təşkilatçı və iştirakçılarına minnətdarlığını bildirdi. [:]