[:az]Fevralın 15-də universitetin konfrans zalında Xəzər Universitetinin rektor assistenti, fəlsəfə doktoru İsaxan İsaxanlının anadan olmasının 50 illiyi münasibətilə yubiley şənliyi keçirildi. Tədbirdə universitetin professor-müəllim heyəti, əməkdaşlar iştirak edirdilər. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, universitetin rektoru professor Con Rayder yubilyarı təbrik edib, ona uğurlar arzuladılar. İctimai əlaqələr və media üzrə direktor Əlövsət Əmirbəyli universitet kollektivi adından C. Rayderin imzaladığı təbrik məktubunu oxudu və rektor onu İ. İsaxanlıya təqdim etdi. Yubilyara xatirə hədiyyəsi də təqdim olundu. Digər çıxış edənlər də həmkarları haqqında ürək sözlərini söyləyib, xoş arzularını bildirdilər. Yubiley tədbiri konsert proqramı ilə müşayiət olundu. Sonda yubilyar çıxış edərək, tədbirin təşkilinə görə universitet rəhbərliyinə və həmkarlarına minnətdarlığını bildirdi.[:]