2023-cü il dekabrın 26-da “Neon” şadlıq sarayında Xəzər Universitetinin Yeni il şənliyi keçirildi. Universitetin tələbələrindən ibarət musiqi qrupunun konserti ilə başlayan tədbirdə xor və solo mahnılar, rəqslər ifa olundu.
Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı universitet kollektivini bayram münasibətilə təbrik etdi, əldə olunmuş nailiyyətlərdən danışdı, yeni ildə əməkdaşlara həm şəxsi, həm də iş həyatında uğurlar arzuladı.
Şadlıq sarayının musiqi qrupu tərəfindən davam etdirilən konsertdə universitet kollektivinin hazırladığı proqram təqdim olundu. Əməkdaşlar və müəllimlər, xor kollektivi mahnı və rəqslər ifa etdilər. Bayram şənliyi xoş əhval-ruhiyyə ilə başa çatdı.