2022-ci il noyabrın 6-da Xəzər Universitetinin təsisçisi, Direktorlar və Qəyyumlar Şurasının sədri, professor, akademik Hamlet İsaxanlı, İctimai əlaqələr və media üzrə direktor Əlövsət Əmirbəyli, kamança ustası, Xalq artisti, professor Mirnazim Əsədullayev Azərbaycanın görkəmli muğam ustadı, Xalq artisti, Milli Konservatoriyanın muğam kafedrasının müdiri, Xəzər Universitetinin müəllimi professor Arif Babayevlə evində görüşmüşlər.
Böyük məmnuniyyətlə qarşılanan qonaqlar xanəndənin səhhəti ilə maraqlanmış, şirin söhbət etmiş, əziz xatirələri yada salmış, ona cansağlığı, uzun ömür arzulamışlar. Ustad sənətkar onu yad edib gəldiklərinə görə qonaqlara dərin təşəkkürünü bildirmişdir.
