2022-ci il oktyabrın 7-də Müslüm Maqomayev adına Azərbaycan Dövlət Akademik Filarmoniyasında Əməkdar incəsənət xadimi, professor, bəstəkar, pianoçu və müəllim Ceyhun Allahverdiyevin 50 illik yubileyi münasibətilə konsert keçirilmişdir.
Konsertdə bəstəkarın əsərləri səsləndirilmişdir. O cümlədən, yaradıcılıq gecəsinin 2-ci hissəsində librettosunu Hamlet İsaxanlının yazdığı “Tac Mahal” baletindən 1-ci və 2-ci süitalar ilk dəfə ifa olunmuşdur.