2021-ci il oktyabrın 12-13-də Mərmərə Universiteti Türkiyyat Araştırmaları İnstitutu tərəfindən Prof. Dr. Okan Yeşilot`un başçılığı ilə təşkil olunan, Azərbaycan və Türkiyənin elm adamlarının iştirak etdiyi “Qarabağın dünəni, bugünü və sabahı” adlı beynəlxalq konfrans keçirildi.
Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Humanitar, təhsil və sosyal elmlər fakültəsinin dekanı dosent Elza Səmədova, Tarix və arxeologiya departamentinin müdiri dosent Telman Nüsrətoğlu Quliyev konfransda çıxış edərək, Qarabağ məsələsini tarixi və milli nöqteyi-nəzərdən şərh etdilər.
İki gün davam edən konfrans Azərbaycan və Türkiyə nümayəndələri üçün Üsküdar Bələdiyyəsinin Boğaz gəmisində təşkil olunan axşam yeməyi ilə yekunlaşdı.
