Fransanın Azərbaycandakı səfiri
Zacharie Gross
Cənab səfir!
Məşhur fransız aktyoru, tanınmış rejissor Robert Hossein`in dünyasını dəyişməsi xəbərini dərin hüznlə qarşıladıq. Robert Hossein Fransa ilə yanaşı Azərbaycanı da çox sevirdi və Xəzər Universitetinin yaxın dostu idi. Robert Hossein 17 noyabr 2016-cı ildə mənim də qurucu üzvü olduğum Avrasiya Akademiyasının “Avrasiya əfsanəsi” mükafatına layiq görülmüş və akademiyanın ilk xarici üzvü seçilmişdir. Dünya kino və teatr sənətində özünəməxsus yeri olan Robert Hossein bütün dünya sənətsevərlərinin, o cümlədən Azərbaycan xalqının yaddaşında əbədi yaşayacaqdır.
Bizim başsağlığımızı Robert Hossein`in ailəsinə və bütün Fransız xalqına çatdırmağınızı xahiş edirəm.
Hörmətlə,
Hamlet İsaxanlı
Xəzər Universiteti, Direktorlar və Qəyyumlar Şurasının sədri
3 yanvar 2021