2020-ci il iyunun 18-də “Azərbaycan universitetlərinə virtual infotur” layihəsi çərçivəsində Facebook sosial şəbəkəsi vasitəsilə Xəzər Universitetinə virtual infotur təşkil olundu. Layihə Bakı şəhəri üzrə Təhsil İdarəsi və Sabunçu Gənclər Evinin birgə təşkilatçılığı ilə həyata keçirildi. Veriliş müddətində Xəzər Universitetinin təsisçi, Direktorlar və Qəyyumlar Şurasılın sədri professor Hamlet İsaxanlı və Tələbələrin cəlb olunması üzrə işçi qrupun rəhbəri professor Fuat Rəsulov universitet barəsində ətraflı məlumat verdilər və gəncləri maraqlandıran sualları cavablandırdılar. 1,5 saat davam edən canlı yayımı Azərbaycanın müxtəlif bölgələrindən min nəfərdən çox valideyn və abituriyentlər izlədilər.
Bu tədbirin keçirilməsində məqsəd –abituriyentlərin gələcək ixtisas və universitet seçimlərində köməklik göstərmək, Xəzər Universitetindəki yaradılmış şərait və imkanlarla tanış etmək idi. Virtual infoturu bu link vasitəsilə izləmək olar: https://youtu.be/L-Aq7zkc228