Xəbər verdiyimiz kimi, yanvar ayının 28-də Xəzər universitetinin Mərmər zalında “Xəzər Universitetinin elmi uğurları və Təbriz Universiteti ilə əməkdaşlıq” mövzusunda konfrans keçirildi. Konfransı giriş sözü ilə universitetin Direktorlar və Qəyyumlar Şurasının sədri professor Hamlet İsaxanlı açaraq, iştirakçıları və Təbriz universitetindən gələn qonaqları salamladı. Sonra Musiqi və incəsənət departamentinin müdiri Zülfiyyə Sadıqovanın rəhbərliyi ilə kamera orkestri və departamentin müəllimi Məhsəti Cabbarovanın iştirakı ilə Azərbaycan bəstəkarlarının əsərlərindən ibarət qısa konsert proqramı təqdim edildi. Bundan sonra Xəzər universiteti İngilis dili və ədəbiyyatı departamentinin müdiri Dr. Bahman Amani Təbriz Universitetindən gələn qonaqları, Təbriz Universitetinin Elektrik və kompüter mühəndisliyi fakültəsinin əməkdaşları –professor Ebrahim Babaei, fakültənin dekan müavini professor Kazem Zare, dosent Hadi S. Aghdasi və Təhsil və psixologiya fakültəsinin müəllimi dosent Rasoul Heshmati-ni təqdim etdi. Təbriz Universitetindən gələn qonaqlar adından çıxış edən professor Ebrahim Babaei elmi yaradıcılıqda uğur qazanmanın sirri və yolları ilə bağlı mühazirə oxudu, bunun ətrafında maraqlı müzakirələr aparıldı. Sonra universitetin İnkişaf Mərkəzinin direktoru Raziyə İsayeva universitet haqqında qısa təqdimat etdi.
Sonda universitetdə fəaliyyət göstərən departamentlərin, eyni zamanda ayrılıqda əməkdaşların 2014-2019-cu illərdə elmi fəaliyyətinin nəticəsi olaraq, 3 departament və 15 nəfər əməkdaşa müxtəlif diplomlar təqdim edildi, mükafatlar verildi. Diplomları Direktorlar və Qəyyumlar Şurasının sədri Hamlet İsaxanlı, rektor İradə Xəlilova, tədris işləri üzrə prorektor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı və Təbriz universitetindən gələn qonaqlar təqdim etdilər:
Yaxşı tədqiqatçı departament:
- Həyat elmləri departamenti
- Fizika və elektronika departamenti
Ən yaxşı tədqiqatçı departament
- Riyaziyyat departamenti
Yaxşı tədqiqatçı:
Çox yaxşı tədqiqatçı
Ən yaxşı tədqiqatçı
Tədbir başa çatdıqdan sonra bütün qonaqlar Xəzər universitetinin Buzovnada yerləşən Konfrans və İstirahət mərkəzinə dəvət edildi. Təbriz universitetindən dəvət edilmiş qonaqlar və digər iştirakçılar Konfrans və İstirahət mərkəzi ilə tanış oldu, qonaqların və elmi uğurlarına görə diplom alanların şərəfinə musiqili ziyafət verildi.
