[:az]2018-ci il oktyabrın 12-də Xəzər Universiteti Üzeyir Hacıbəyli adına Bakı Musiqi Akademiyasının Opera studiyasında 44-45-ci məzunluq mərasimi keçirdi. Mərasimdə məzunlar və onların valideynləri, universitetin rəhbərliyi və əməkdaşları, xarici ölkələrin Azərbaycandakı səfirləri və qonaqlar iştirak edirdilər.
Mərasim Azərbaycan Respublikası Dövlət Himninin ifası ilə başlandı. Xəzər Universitetinin rektoru Dr. Hassan Niknafs məzunları təbrik edərək, onlara bir sıra məsləhətlər verdi, əmək həyatında və magistratura təhsillərini davam etdirməkdə onlara uğurlar arzuladı.
Belçika Krallığının Azərbaycandakı fövqəladə və səlahiyyətli səfiri Bert Şufs, Meksika Birləşmiş Ştatlarının Azərbaycandakı fövqəladə və səlahiyyətli səfiri Rodrigo Labardini, Xəzər Universitetinin Hüquq və Ssosial Elmlər fakültəsinin ilk məzunu, ADA Universitetinin baş müəllimi Kamran Behbudov çıxış edərək, məzunlara xoş arzularını bildirdilər.
Universitetin rektoru, Mühəndislik və Tətbiqi Elmlər fakültəsinin dekan əvəzi Hassan Niknafs, səfirlər Bert Şufs və Rodrigo Labardini, Tədris işləri üzrə prorektor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı, Elmi işlər üzrə prorektor İradə Xəlilova, Humanitar və Sosial Elmlər fakültəsinin dekanı Cabir Xəlilov, İqtisadiyyat və Menecment fakültəsinin dekanı Ceyhun Məmmədov, Təhsi fakültəsinin dekanı Elza Səmədova, Neft mühəndisliyi departamentinin müdiri Qəşəm Zeynalov, İnşaat mühəndisliyi departamenrinin müdiri Rasim Bayramlı, Elektronika və telekommunikasiya departamentinin müdiri Nuru Səfərov, Tarix və Arxeologiya departamentinin müdiri Roza Arazova, Riyaziyyat departamentinin müdiri Əli Hüseynli və digər əməkdaşlar məzunlara diplomları təqdim etdilər.
Qeyd olundu ki, 44-45-ci məzunluqda universiteti 336 bakalavr və 70 magistr bitirib.
Prorektor İsaxan İsaxanlı universitetin sosial həyatında fərqlənən bir qrup məzuna sertifikat təqdim etdi.
Məzunlar Seymur Bağırov və Nailə İbrahimli universitet andını səsləndirdilər və məzunlar and içdilər. Xatirə şəkilləri çəkildi.
Sonda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı geniş çıxış edərək, məzunlara yeni həyat yollarında dəstək ola biləcək tövsiyələrini söylədi.
Mərasimin gedişində əvvəlki məzunların təbrik çıxışlarından və məzunların tələbəlik həyatını əks etdirən kadrlardan ibarət slayd-şoular nümayiş etdirildi və universitetin Musiqi və incəsənət departamentinin hazırladığı konsert proqramı təqdim olundu.
http://www.khazar.org/az/news/article/3518
[:]