2023-cü il martın 14-də Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı ilə ABŞ əsaslı və Universitetlərin İnkişafına və Böyüməsinə kömək edən məşhur “Cintana Education” şirkətinin təsisçisi və prezidenti Douglas L. Becker ilə Zoom vasitəsilə görüşdü.
Douglas L. Becker əvvəl “Laureate Education” şirkətinin təsisçisi və direktoru olmuş, həmçinin “Sterling Partners” şirkətinin həmtəsisçisidir və bir müddət onun direktoru olmuşdur. Görüşdə “Cintana”nın Şərqi Avropa və Mərkəzi Asiya üzrə müdiri Çağrı Bağcıoğlu, həmçinin Hamlet İsaxanlının həmtəsisçi olduğu Şərq-Qərb Universiteti (East-West University, Tbilisi) həmtəsisçiləri və professor Said İrandoust iştirak etdilər. “Cintana” Arizona Dövlət Universiteti (Arizona State University) ilə işbirliyində təsis edilmişdir. Görüşdə Xəzər Universiteti və onun inkişafi perspektivləri, eləcə də yeni təsis olunmuş Şərq-Qərb Universitetinin inkişafı məsələsi müzakirə olundu.
Tərəflər yaxın zamanda yeni görüş keçirmək və perspektivləri dəqiqləşdirmək barədə razılığa gəldilər.
