2020-ci il oktyabrın 3-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı İctimai Televiziyanın 2 saat müddətində davam edən “Ötən günlər” adlı proqramının görkəmli bəstəkar Vasif Adıgözəlovun 85 illiyinə həsr olunmuş buraxılışının qonağı olmuşdur.
Professor H.İsaxanlı proqramda V.Adıgözəlovun yaradıcılığı, şəxsiyyəti, görkəmli bəstəkarla dostluğu və onun Xəzər Universiteti ilə əlaqəsi haqqında danışmışdır.
Qeyd edək ki, Vasif Adıgözəlov digər görkəmli bəstəkarımız Ramiz Mustafayevlə birlikdə Xəzər Universiteti himninin musiqi müəllifidir. Himnin sözləri isə Hamlet İsaxanlıya məxsusdur.