Xəzər Universitetinin təsisçisi, Direktorlar və Qəyyumlar Şurasının Sədri professor Hamlet İsaxanlının istedad, uğur, uğura gedən yol və uğurlu olmağın sirri haqqında fikirləri Cəfər Mənsiminin “Uğur kitabı” adlı kitabında qısa müsahibələr şəklində çap olunub. Müəllifin ümumi həyat, istedadın üzə çıxarılması, uğurun sirləri barədə suallarını cavablandırmış tanınmış, müxtəlif sahələrdə uğur qazanmış 111 müsahibindən biri olan professor Hamlet İsaxanlı düşünür ki: “Hər insanın bir yox, çox istedadı var. Çünki insan çox qanadlıdır. İstedad bəzən təsadüfən, bəzən isə mühit, iş prosesi, aldığı təhsil və ətrafdakıların təsiri nəticəsində üzə çıxır.” (Mənsimi, 2015, s. 21).
