2019-cu il noyabrın 19-da Xəzər Universitetinin “Neftçilər” kampusunda MƏFAM-ın (Mövlana Ədəbi Fəlsəfi Araşdırmalar Mərkəzi) açılış mərasimi keçirildi. Tədbirdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Xəzər Universitetinin rektoru dosent İradə Xəlilova, iş adamı cənab Şahram Oromi və Xəzər Universitetinin kollektivi və tanınmış qonaqlar, şairlər, müğənnilər və musiqiçilər iştirak edirdilər. Xəzər Universiteti ilə MƏFAM mərkəzi arasında əməkdaşlıq müqaviləsi bağlandı. Tədbir musiqi müşayiətində Mövlana şeirlərinin qiraəti ilə davam etdi.
