2019-cu il sentyabrın 16-da Xəzər Universitetində 2019/2020-ci tədris ilinin açılışı oldu. Açılışda ilk olaraq, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı nitq söylədi, universitetə yeni qəbul olunmuş tələbələri, onların valideynlərini təbrik etdi, uğurlar arzuladı.
Sonra təbrik üçün söz universitetin rektoru dosent İradə Xəlilovaya verildi.
Daha sonra universitetin müxtəlif ixtisaslarına yüksək ballarla qəbul olmuş tələbələrə tələbə biletləri və qiymətli hədiyyələr təqdim olundu.
Sonra universitetin İdarəetmə və tələbə işləri üzrə prorektoru dosent İsaxan İsaxanlı yeni qəbul olmuş tələbələri auditoriyalara dəvət etdi.
“Bilik Günü” münasibətilə təşkil olunmuş tədbirdə Xəzər Universitetinin Mahnı və Rəqs Ansamblı müxtəlif rəqs və musiqi nömrələri ilə çıxış etdi.