2019-cu il iyunun 7-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı görkəmli Azərbaycan riyaziyyatçısı Mirabbas Qasımovun 80 illik yubileyinə həsr olunmuş konfransda iştirak etdi. AMEA Riyaziyyat və Mexanika İstitutunda təşkil olunmuş konfransda Professor İsaxanlı “Kvadratik formalar və operatorların spektral nəzəriyyəsi” mövzusunda məruzə etdi. O, çıxışı zamanı öz tələbəlik illəri, Mirabbas Qasımovla görüşləri, aldığı dərslər haqqında xatirələrdən də danışdı.