2023-cü il sentyabrın 21-də Çin Xalq Respublikasında keçirilən 23-cü Çin Beynəlxalq Sənaye sərgisinin 3-cü günündə Xəzər Universitetinin nümayəndə heyəti Fudan Universitetinin nümayəndə heyəti ilə görüşmüşdür. Fudan Universiteti Dünya rankinq sistemində 51-ci, Çin Xalq Respublikasının universitetləri sıralamasında 3-cü yerdədir.
Görüşdə Prof.Akad. Hamlet İsaxanlı Xəzər Universiteti haqqında geniş təqdimatla cıxış etmişdir. Sonra hər iki universitetin nümayəndələri öz fakültələri haqqında məlumatlarla çıxış etmişdir. Görüşdə müxtəlif aspektlərdə universitetlərarası əlaqələrin inkişafı və davamı ilə bağlı müzakirələr aparılmşdır.
Sonra universitet nümayəndələrinə xatirə hədiyyələri təqdim edilmiş və Fudan Universitetinin İnnovasiyalar və sahibkarlıq fakültəsi ilə tanışlıq olmuşdur. Fakültədə tələbələrin gördükləri layihələrə baxış keçirilmiş və gələcəkdə universitetin keçirəcəyi müsabiqələrdə Xəzər Universitetinin tələbələrinin də iştirakı ilə bağlı məsələlər müzakirə edilmişdir.