2023-ci il sentyabrın 5-də Xəzər Universitetində Türkiyənin Karamanoğlu Mehmetbey Universitetinin nümayəndələri ilə görüş olmuşdur.
Görüşdə Karamanoğlu Mehmetbey Universitetinin rektoru Prof. Dr. Mehmet Gavgali və Beynəlxalq əlaqələr şöbəsinin nümayəndəsi, Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, universitetin rektoru Dos. İradə Xəlilova, Tədris işləri üzrə prorektor Məhəmməd Nuriyev, İctimai Əlaqələr və media üzrə direktor Əlövsət Əmirbəyli, Humanitar, təhsil və sosial elmlər fakültəsinin dekanı Elza Səmədova, İqtisadiyyat və menecment fakültəsinin dekanı Ceyhun Məmmədov, Təbiət elmləri və mühəndislik fakültəsinin dekanı Fəxrəndə Əfəndiyeva, Təbiət elmləri, sənət və texnologiya yüksək təhsil fakültəsinin elmi işlər üzrə dekan müavini Günel Bahəddinova, Beynəlxalq əlaqələr ofisinin əməkdaşları Fatimə Vəliyeva, Arzu Bədəlova və Turan Əlizadə iştirak etmişdir.
Görüş zamanı Karamanoğlu Mehmetbey Universiteti ilə Xəzər Universiteti arasında əlaqələrin genişləndirilməsi əsas müzakirə mövzusu olmuş və anlaşma müqaviləsi imzalanmışdır. Görüşün sonunda qarşılıqlı hədiyyə təqdim edilmişdir.
Qeyd edək ki, Karamanoğlu Mehmetbey Universiteti Karamanda yerləşən, 2007-ci ildə əsası qoyulmuş dövlət universitetidir. Universitetdə tədris türk və ingilis dillərində aparılır.
