Xəzər Universiteti “Dünya” məktəbinin nəşri olan “Dünya” jurnalının növbəti nömrəsi (2023-cü il, 49-cu nömrə, mart-aprel) yeni formatda çapdan çıxmışdır.
Jurnalın baş redaktoru Aygün Gardiner`in “Dünya” yenilənmiş dərgisinin nəşrinə xoş gəlmisiniz!” adlı müraciəti ilə açılan jurnalda Azərbaycan, rus və ingilis dillərində yazılar verilmişdir. Məqalələr “Dünya” Məktəbinin tədbirləri ilə yanaşı, “Dünya” Ana Məktəbi balacalarının da həyatını əhatə edir. “Dünya” məktəbi şagirdlərinin İtaliyaya səfəri, professor Hamlet İsaxanlının 75 illik yubileyi haqqında və digər yazılar maraqla oxunur.
Ən əsası isə, jurnalın yenilənmiş formatda daha nəfis şəkildə çapdan çıxması və belə davam edəcəyidir.
