Xəzər Universitetinin İdarəetmə və tələbə işləri üzrə prorektoru, filologiya üzrə elmlər doktoru, dosent İsaxan İsaxanlının “Bir sevgi dastanı” adlı hekayələr kitabı çapdan çıxmışdır. Kitaba müəllifin əsasən sevgi mövzusunda yazılmış doqquz hekayəsi daxil edilmişdir.
Kitabın redaktoru professor, akademik Hamlet İsaxanlıdır. Kitab oxuculara “Müəllifdən” adlı müraciətlə başlanır. Şair, publisist, Beynəlxalq Rəsul Rza mükafatı laureatı Əli Rza Xələfli kitaba “Həyat lövhələri nəsrin güzgüsündə” adlı geniş ön söz yazmışdır.
Üz qabığının dizaynı Afaq Kərimovaya məxsusdur. İllüstrasiayların müəllifi Mehdi Səmədidir.
Kitab Xəzər Universitetinin Nəşriyyatında çapa hazırlanmış, NURLAR Nəşriyyat-Poliqrafiya Mərkəzində çap olunmuşdur.
