2021-ci il dekabrın 19-da İstanbul Kent Universitetinin (İKU) rektoru Dr. Necmettin Atsü və universitetin Uluslararası ofis rəhbəri Berna Severge Xəzər Universitetində olmuş, universitetin təsisçisi, Direktorlar və Qəyyumlar Surasının sədri professor, akademik Hamlet İsaxanlı ilə görüşmüşdür.
Sonra qonaqlar Xəzər Universitetində keçirilən “Gələcəyini qur” layihəsinin təqdimatında iştirak etmişlər. Təqdimatda Bakı şəhərinin 12 rayonundan seçilmiş yüz nəfərə yaxın ən aktiv 11-ci sinif şagirdləri universitetin rektoru dosent İ.Xəlilova, Dr. N.Atsü və professor, akademik H.İsaxanlının nitqlərini dinləmiş, onlara gələcək işlərində uğurlar arzu edilmişdir.
İstanbul Kent Universitetinin əməkdaşları ilə görüşdə Xəzər Universitetinin İctimaiyyətlə əlaqələr və media üzrə direktoru Əlövsət Əmirbəyli də iştirak etmişdir.
