2021-ci il avqustun 7-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Azərbaycan Prezidenti möhtərəm İlham Əliyevin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyevlə görüşdü.
Görüşdə Xəzər Universitetinin inkişafı, Xəzər Universiteti və “Dünya” məktəbinin Bakı, Gəncə və Qarabağda fəaliyyəti ilə bağlı məsələlər, həmçinin, Xəzər Universiteti ilə dövlət idarələri arasında əlaqələrin gücləndirilməsi, dövlət məmurlarının təlimində Xəzər Universitetinin iştirakı kimi məsələlər müzakirə olundu.