2019-cu il iyulun 2-də Azərbaycan Respublikası Dövlət Statistika Komitəsinin təşəbbüsü və BMT-nin İnkişaf Proqramının Azərbaycan Nümayəndəliyinin dəstəyi ilə yaradılmış Azərbaycan Respublikasının Dayanıqlı İnkişaf Məqsədləri (DİM) üzrə Milli Məlumatlandırma Portalının təqdimat mərasimi keçirildi.
Təqdimat mərasiminə dəvət edilmiş Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı tədbir zamanı Dayanıqlı İnkişaf Məqsədləri, xüsusi olaraq, keyfiyyətli təhsil (4-cü məqsəd), Xəzər Universitetində bu məqsədlər üzrə görülən işlər, həmçinin, yaradılmış portalın əhəmiyyəti haqqında danışdı.
