2019-cu il iyunun 27-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Sumqayıt “Dünya” məktəbinin respublika fənn olimpiadalarında, beynəlxalq robotex yarışmasında və karate üzrə dünya çempionatında uğur qazanmış şagirdlərini qəbul etdi.
Sumqayıt “Dünya” məktəbini, eyni zamanda Xəzər Universitetini layiqincə təmsil etmiş şagirdlər professor Hamlet İsaxanlıya təqdim olundu: Murad Qənbərli (11-ci sinif) – Respublika fənn olimpiadasında Kimya fənni üzrə 3-cü yer; Fərhad Novruzov (9-cu sinif) – Respublika fənn olimpiadasında Riyaziyyat fənni üzrə 3-cü yer; Əziz Hüseynov (9-cu sinif) – Respublika fənn olimpiadasında İnformatika fənni üzrə 1-ci yer; Elmədinli Səlimli (2-ci sinif) – Rumıniyanın paytaxtı Buxarest şəhərində keçirilən karate üzrə 10-cu Dünya çempionatında 2 qat Dünya çempionu adına layiq görülüb; Çıraq Zeynalova (8-ci sinif) – Rumıniyanın paytaxtı Buxarest şəhərində Beynəlxalq robotex yarışmasında gümüş medal; Həsən Yekəyev (9-cu sinif) – Rumıniyanın paytaxtı Buxarest şəhərində Beynəlxalq robotex yarışmasında gümüş medal.
Professor Hamlet İsaxanlı şagirdlərlə səmimi söhbət apardı, arzu və problemləri ilə maraqlandı, onlara Xəzər Universitetinin təşəkkürnamələrini təqdim etdi.
