2018-ci il noyabrın 16-da Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı “Riyaziyyatın poeziyası və Poeziyanın riyaziyyatı” adlı məqaləsi ilə Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun 85 illik yubileyinə həsr olunmuş tədbirdə və “Fizika və lirika: dünya təcrübəsi və MDB ölkələrində elm və ədəbiyyatın reallıqları” adlı beynəlxalq elmi seminarda çıxış etdi.
Noyabrın 14-də Azərbaycan Milli Elmlər Akademiyası, Təhsil, Elm və Mədəni Əməkdaşlıq üzrə Hökumətlərarası Fond və Nüvə Araşdırmaları Birgə İnstitutunun (Dubna, Moskva vilayəti, Rusiya) təşkilatçılığı ilə başlayan seminar noyabrın 18-dək davam edəcək.