Dil seçimi:
  • Az
  • Ru
  • En
  • De
Official facebook page

Hamlet İsaxanlı “Qonaq mühazirəçilər seminarları”nın qonağı oldu

2017-ci il aprelin 3-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı “Potensial məktəb direktorlarına məktəbin idarə edilməsi üzrə təlim kursu”nda “Qonaq mühazirəçilər seminarları”nın qonağı oldu. H.İsaxanlı “Təhsildə idarəetmə: Nəzəriyyə və təcrübə” adlı mövzuda seminar keçirdi.

Xəzər Universitetinin quruluşu və idarə edilməsi təcrübəsindən yola çıxılaraq başlanan seminar potensial və mövcud məktəb direktorları üçün həm uğurlu idarəetmə, həm də uğurlu liderlik təcrübəsini özündə əks etdirdi. Seminarda “öyrənmənin və öyrətmənin yaşı olmadığı”, “daima dəyişikliyə açıq və hazır olma”nın əhəmiyyəti vurğulanaraq, təcrübədən irəli gələn “öyrənilmiş bilik” konsepti ətrafinda müzakirələr aparıldı.

Muzakirənin sonunda Professor Hamlet İsaxanlı iştirakçıların suallarını cavablandırdı.

Qeyd edək ki, “Potensial məktəb direktorlarına məktəbin idarə edilməsi üzrə təlim kursu” artıq üç ildir Xəzər Universitetində davam edir.

Xəzər Universiteti EURIE-2017 Təhsil Sammitində təmsil olundu

2017-ci il martın 22-dən 24-dək İstanbul şəhərində yerləşən Lütfi Kırdar Beynəlxalq Konqres Mərkəzində (İCEC) EURİE-2017 Təhsil Sammitinin rəsmi açılışı oldu. Sammiti giriş sözü ilə Avrasiya Universitetlər Birliyinin prezidenti Dr. Mustafa Aydın açdı. M.Aydın dünyanın 4 qitəsindən 53 dövləti təmsil edən 200-dən artıq universitet  nümayəndələrini, Türkiyə Respublikasının Təhsil nazirini, YÖK başqanını, millət vəkillərini, valiləri, bələdiyyə başqanlarını və salona toplaşan bütün qonaqları salamlayaraq, EURİE-2017 Təhsil Sammitinin əhəmiyyətindən danışdı. Sammitin rəsmi açılışında Türkiyə Respublikasinin Təhsil naziri İsmet Yılmaz, Türkiyə Respublikasının Mədəniyyət və Turizm naziri Nabi Avcı, Türkiyə Yüksek Öğretim Kurumunun başqan vəkili, professor Hasan Mandal və digər rəsmi şəxslər çıxış etdilər.

Sammitdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, İctimai əlaqələr və media üzrə direktoru Əlövsət Əmirbəyli, Beynəlxalq Əlaqələr Ofisinin direktoru Turan Cəfərova və Xəzər Universitetinin məzunu hazırda İstanbul Aydın Universitetində magistr təhsili alan Nərmin Nurullayevaiştirak edirdilər.

Sammitdə Professor İsaxanli “Təhsil və universitetlərin fəaliyyətində qalanılmış uğurlar və qarşıda duran problemlər” haqqında iki dəfə çıxış etdi.

EURIE Sammiti universitet nümayəndələri və ali təhsil peşəkarları üçün görüş yeridir.

Hər il baş tutan bu sammitə sərgi və konfranslar daxildir. Bu isə sammit iştirakçılarına bir-birini tanımağa, öz biliklərini, imkanlarını artırmaqa imkan verir.

EURIE-2017 Sammitində Əfqanıstan, Azərbaycan, Türkiyə, Fransa, Almaniya, Yunanıstan, İtaliya, İran, Qazaxıstan, Makedoniya, Portuqaliya, Rumıniya, İspaniya, Böyük Britaniya, ABŞ və başqa dövlətlərin bir çox qabaqcıl universitetləri bir araya gəldi.

Sammitin birinci günündə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Avrasiya Universitələr Birliyinin Baş Assambleyasının qapalı toplantısında çıxış etdi.

3 gün davam edən EURIE-2017 Sammitinin proqramına panel sessiyaları, dəyirmi masalar, tanınmış təhsil nümayəndələri ilə görüşlər, tematik seminarlar, eləcə də təhsil sərgisi daxil idi. Xəzər Universitetinin nümayəndə heyəti təhsil sərgisində və digər tədbirlərdə fəal iştirak etdilər. Sammitdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlıya xüsusi təşəkkür elan edildi. Sammitin ikinci günü axşam sammitdə iştirak edən bütün qonaqların şərəfinə Bosfor boğazında Qala yeməyi verildi.

Sammitin keçirildiyi ərəfədə İctimai əlaqələr və media üzrə direktor Əlövsət Əmirbəyli TRT-nin İstanbul Müdürlüyünün rəhbəri Abdulhamit Avşarla görüşdü.

Sammitin sonunda xatirə şəkilləri çəkildi.

Professor Hamlet İsaxanlının Mərakeşə səfəri

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı martın 16-20-də Mərakeşdə səfərdə olmuşdur. O, Mərakeş kralı 6-cı Məhəmmədin yüksək himayəsi altında keçirilmiş “Crans Montana Forumu”nda iştirak etmişdir. H. İsaxanlı foruma Mərakeş Krallığının Azərbaycan Respublikasındakı səfiri Mohamed Adil Embarch`ın təşəbbüsü ilə dəvət olunmuşdu.

Nəzərdə tutulduğu kimi,forumun birinci hissəsi (16-18 mart) Mərakeşin cənubunda, Qərbi Səhra adlanan yerin Daxla (Dakhla) şəhərində, ikinci hissəsi isə (19-20 mart) Atlantik okeanı boyu  Daxla`dan Casablanca şəhərinə doğru üzən “Rapsody” gəmisində (12 mərtəbəli İtaliya gəmisi) keçirilmişdir.

Təqribən 130 ölkədən min nəfərdən artıq şəxsin iştirak etdiyi bu forumda bir sıra ölkə rəhbərləri, xüsusilə Afrikanın siyasi elitası, elm və sənət adamları təmsil olunmuşdu. Forumda, bu və ya digər dərəcədə Afrikanın problemləri və inkişafı ilə bağlı mövzular – qlobal siyasət, Afrikanın inkişafında Mərakeşin rolu, iqtisadiyyat, təhsil, ətraf mühit, enerji, gənclik, işsizlik, davamlı inkişaf və s. məsələlər  müzakirə edilmişdir.

Xəzər Universitetinin təsisçisi “Exo”ya müsahibə verdi

2017-ci il martın 23-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı ilə “Azərbaycan təhsilə pul ödəyir, tələbələr isə “yayınmağa” davam edirlər” (rusca)  adlı müsahibəsi “Exo” ictimai-siaysi qəzetinin rəsmi internet səhifəsində yayınlanmışdır.

Müsahibəni tam şəkildə bu link vasitəsilə oxumaq olar:

http://ru.echo.az/?p=55187.

“Xəzər” də Novruz bayramı

Martın 17-də Xəzər Universitetində Novruz bayramı münasibətilə musiqili-əyləncəli tədbir keçirildi. Universitetin Neftçilər kampusunun geniş həyətində tonqal qalanmış, bayram süfrəsi açılmışdı. Bayram şənliyində universitetin rəhbərliyi, əməkdaşları və tələbələr iştirak edirdilər.

Universitetin Tədris işləri üzrə prorektoru Məhəmməd Nuriyev və Tələbə məclisinin prezidenti Qurban Əsgərov iştirakçılrı təbrik etdilər. M. Nuriyev bayram tonqalını yandırandan sonra Novruz şənliyi başlandı. Ramal Azaflı sazda aşıq havası, universitetin magistr tələbəsi Elçin Fərzəliyev mahnı ifa etdilər. Əməkdaşlar və tələbələr rəqs edib, əyləndilər.

Novruz şənliyi xoş əhval-ruhiyyə ilə başa çatdı.

“Elm üçbucağı” İctimai TV-də

2017-ci il 12 mart tarixində Xəzər universitetinin təsisçisi, direktorlar və qəyyumlar şurasının sədri Prof. Hamlet İsaxanlının “Elm üçbucağı” verlişinin növbəti buraxılışı İctimai TV-də yayımlandı. Bu dəfəki mühazirənin mövzusu “Məktublar Respublikası” haqqında idi. O eyni zamanda müasir elmi jurnallar və onların tarixi haqqında da fikirlər söylədi. Mühazirənin auditoryasını Xəzər universitetinin müəllim və peşəkar heyəti təşkil edirdi.

Hamlet İsaxanlı ilə müsahibə dərc olundu

“Xəzər Humanitar və Sosial Elmlər Jurnalı”nın yeni sayı (buraxılış 20, 1-ci sayı) Xəzər Unviersiteti Nəşriyyatında çap olunmuşdur. Yeni nömrəyə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlıdan “Polimatizm” (hələ çap olunmamış) kitabının müəllifi Vaqas Əhmədin aldığı müsahibə də daxildir.

Onun müsahibəsi aşağıdakı linkdədir:

http://jhss-khazar.org/wp-content/uploads/2016/11/11.66.Intervyuu.pdf.

“Maliyyə savadlılığı” layihəsi çərçivəsində tələbələrlə görüş keçirildi

2017-ci il martın 10-da Xəzər Universitetinin “Mərmər” zalında Əmanətlərin Sığortalanması Fondunun “Maliyyə savadlılığı” layihəsi çərçivəsində universitetin tələbələri ilə görüş keçirildi. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı görüşü giriş sözü ilə açaraq, universitet haqqında qısa məlumat verdi. Sonra fondun icraçı direktoru Azad Cavadov ölkənin hazırkı maliyyə vəziyyəti və fondun fəaliyyəti haqqında geniş məlumat verdi.

Sonda tələbələrin çoxsaylı sualları cavablandırıldı və fondun fəaliyyəti haqqında qısa təqdimat nümayiş etdirildi.

“Xəzər”də bayram şənliyi

Martın 7-də universitetin Mərmər zalında 8 Mart Beynəlxalq Qadınlar Günü münasibətilə bayram tədbiri   keçirildi.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı çıxış edərək, qadın əməkdaşların fəaliyyətini yüksək qiymətləndirdi, onları təbrik etdi və qadınlara həsr etdiyi şeirlərini oxudu.

Digər çıxış edənlər – rektor Hassan Niknafs,  prorektorlar Məhəmməd Nuriyev və İsaxan İsaxanlı, Fəlsəfə və insanşünaslıq departamentinin müdiri Mail Yaqubov, Azərbaycan dili və ədəbiyyat departamentinin müdiri Vurğun Əyyub, həmin departamentin müəllimi  Dilbər Zeynalova da qadın əməkdaşların ünvanına xoş sözlər söylədlər, onlara əmək və şəxsi həyatlarında uğurlar arzuladılar. Mail Yaqubov qadınları həm də şeir və mahnı, Vurğun Əyyub və Dilbər Zeynalova şeirlərlə  təbrik etdilər.

Bayram şənliyində universitetin Musiqi və incəsənət departamentinin müdiri, pianoçu Zülfiyyə Sadıqova və Müslüm Maqomayev adına Azərbaycan Dövlət Filarmoniyasının solisti, universitetin müəllimi Məhsəti Cabbarova tərəfindən iştirakçılara konsert proqramı təqdim olundu.

Məzunlarla iş üzrə mərkəzin müdiri Baba Bayramlının aparıcılığı ilə keçən bayram şənliyi xoş əhval-ruhiyyə ilə başa çatdı.

Lyon 2 Universiteti nümayəndə heyəti ilə görüş keçirildi

2017-ci il martın 3-də Xəzər Universitetində Lyon 2 Universitetinin nümayəndələri ilə görüş keçirildi. Görüşün əsas məqsədi iki universitet arasında gələcək əməkdaşlıq perspektivlərini müzakirə etmək idi.

Görüşdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, universitetin rektoru Hassan Niknafs, Tədris işləri üzrə prorektoru Məhəmməd Nuriyev, dekanlar və digər heyət üzvləri iştirak edirdilər. Hamlet İsaxanlı qonaqları salamladıqdan sonra universitetinin İnkişaf direktoru Raziyə İsayeva Xəzər Universiteti haqqında məruzə ilə çıxış etdi. Lyon 2 Universitetinin Beynəlxalq əlaqələr üzrə prorektoru Jim Walker isə öz universiteti haqqında görüş iştirakçılarına məlumat verdi.

Görüşün sonunda iki universitet arasında anlaşma memorandumu imzalandı.

Slideshow
Google