Dil seçimi:
  • Az
  • Ru
  • En
  • De
Official facebook page

Görkəmli bəstəkar Sərdar Fərəcovun müəllif konserti

Dekabrın 9-da Müslüm Maqomayev adına Azərbaycan Dövlət Filarmoniyasında Mədəniyyət və Turizm Nazirliyi və Dövlət Filarmoniyasının təşkilatçılığı ilə Əməkdar incəsənət xadimi, Azərbaycan Bəstəkarlar İttifaqının katibi, Üzeyir Hacıbəylinin Ev Muzeyinin direktoru, görkəmli bəstəkar Sərdar Fərəcovun anadan olmasının 60 illiyi münasibətilə müəllif konserti keçirildi. Konsertdə Azərbaycan Bəstəkarlar İttifaqının sədri, Xalq artisti, professor Firəngiz Əlizadə, müsiqi ictimaiyyətinin nümayəndələri və Xəzər Universitetinin əməkdaşları iştirak edirdilər.

Konsertdən əvvəl Azərbaycan Bəstəkarlar İttifaqının katibi, Əməkdar incəsənət xadimi, professor Zemfira Qafarova çıxış edərək, Sərdar Fərəcovun görkəmli bəstəkar, müsiqişünas və ictimai xadim kimi çöxşaxəli fəaliyyətindən danışdı. Bəstəkarın, demək olar ki, bütün musiqi janrlarında əsərlər yaratdığını və bu əsərlərin keçmiş SSRİ ölkələrində, Avropa və ABŞ-da da ifa edildiyini söylədi və yubilyara Bəstəkarlar İtttifaqının təbrik məktubunu və gül dəstəsi təqdim etdi.

TÜRKSOY-un baş katibi Düsen Kaseinov çıxış edərək, Sərdar Fərəcovun zəngin yaradıcılığından söz açaraq, əsərlərinin türk respublikalarında ifa edildiyini söylədi və TÜRKSOY-un “Azerbaycan, Kazakistan, Kırgizistan, Özbekistan Cumhuriyetlerinin ve Türkmenistanın bağımsızlıklarının 25 Yılı anısına” medalını ona təqdim etdi. Sərdar Fərəcov çıxışında Bəstəkarlar İttifaqının və TÜRKSOU-un rəhbərliyinə təşəkkürünü bildirdi.

Xalq artisti Gülbacı İmanovanın bədii rəhbərliyi ilə keçən konsertdə bəstəkarın əsərləri Üzeyir Hacıbəyli adına Dövlət Simfonik Orkestri, Azərbaycan Dövlət Xor Kapellası və solistlər tərəfindən ifa edildi. “Koroğlu” simfonik freskası, Şah Xətai simfoniya-dastan, “Cavad xan” baletindən süita, “Qarabağnamə” (tar və simfonik orkestr üçün), Hamlet İsaxanlının sözlərinə yazılmış “İstanbul Boğaz içi” vokal lövhə, “Sentimental vals” (violino və orkestr üçün) və “Sonsuzluq karvanı” oratoriyasından hissələr tamaşaçılara təqdim olundu. Solistlər Xalq artisti, tarzən Ramiz Quliyev, Əməkdar artist Fəridə Məmmədova, Beynəlxalq müsabiqələr laureatı, skripkaçı Zərrin Əliyeva, Xəzər Universitetinin vokal müəllimi Məhsəti Cabbarova və Prezident mükafatçısı İsmayıl Yunisov idi.

Konsert tamaşaçıların sürəkli alqışları ilə başa çatdı. http://www.khazar.org/az/news/article/2724

 

İqtisadiyyat və menecment fakültəsinin əməkdaşının məqaləsi Scopus indeksli jurnalda

Xəzər Universiteti İqtisadiyyat və menecment fakültəsinin dekan müavini Dr. Şəhriyar Muxtarovun “The Relationship between Energy Consumption and Economic Growth: Evidence from Azerbaijan” adlı məqaləsi “International Journal of Energy Economics and Policy” jurnalının 2017-ci il 6-ci sayı, 7-ci buraxılışında çap edilmişdir. Sözü gedən jurnal SCOPUS kimi nüfuzlu məlumat bazalarında indekslənir.

Məqalədə Azərbaycanda enerji istehlakı və iqtisadi artım arasındakı əlaqə VAR modeli çərçivəsində Toda-Yamamoto səbəbiyyət testi vasitəsilə qiymətləndirilmişdir. Məqalə nəticələri dəyişənlər arasında ikitərəfli səbəbiyyət əlaqəsinin olduğunu ortaya çıxarmışdır.

Məqaləni bu link vasitəsilə oxumaq olar:

http://www.econjournals.com/index.php/ijeep/article/view/5644.

http://www.khazar.org/az/news/article/2715

 

AzərTAc Xəzər Universitetində keçirilən “I Çin həftəsi” adlı tədbirdən yazdı

2017-ci il dekabrın 8-də başda Azərbaycan Dövlət İnformasiya Agentliyi (AzərTAc) olmaqla, bir çox media orqanları Xəzər Universitetində keçirilən “I Çin həftəsi” adlı tədbir haqqında xəbər yaymışdır.

Bu linklər vasitəsilə daha geniş məlumat almaq olar:

https://azertag.az/xeber/Azerbaycanda_ilk_defe_CHin_heftesi_teskil_olunub-1119190;

http://www.gununsesi.info/azərbaycanda-ilk-cin-həftəsi/;

http://www.moderator.az/news/202718.html.

http://www.khazar.org/az/news/article/2714

“Təbii resursla zəngin ölkələrdə gəlirlərin idarə edilməsi” kursu başa çatdı

2017-ci il dekabrın 7-də Xəzər Universiteti Avrasiya Bilik Mərkəzinin 10 gün ərzində keçirdiyi “Təbii resursla zəngin ölkələrdə gəlirlərin idarə edilməsi” kursu başa çatdı. Tədbirin sonuncu günü 6 ölkədən olan 22 iştirakçı növbəti mərhələdə hazırlayacaqları siyasət sənədləri ilə bağlı müvafiq təlimatlar aldılar.

Sonda Xəzər Universitetinin prorektoru professor Məhəmməd Nuriyev və İsveçrə hökumətinin SECO təşkilatının regional rəhbərinin müavini Simone Haeberli iştirakçılara sertifikat təqdim etdilər.

İştirakçılar kursun olduqca faydalı olmasını qeyd edərək, Xəzər Universitetinə yaratdığı şərait üçün təşəkkürlərini bildirdilər. http://www.khazar.org/az/news/article/2710

“İnnovasiya və tərəqqinin açarı internet” devizi altında forum keçirildi

2017-ci il dekabrın 7-də ADA Universitetində BMT İnkişaf Proqramının Azərbaycan nümayəndəliyi, ADA Universiteti və Azərbaycan Respublikasının Nəqliyyat, Rabitə və Yüksək Texnologiyalar Nazirliyi, BMT-nin İnternet İdarəçilik Forumu üzrə Cenevrə Katibliyi və BMT-nin İqtisadi və Sosial Məsələlər üzrə departamenti tərəfindən “İnnovasiya və tərəqqinin açarı internet” devizi altında təşkil olunmuş 5-ci Regional İnternet İdarəçilik Forumu keçirildi. Forumda xarici ölkələrin Azərbaycanda fəaliyyət göstərən diplomatik korpuslarının rəhbərləri, nazirlər, millət vəkilləri, bir sıra universitetlərin nümayəndələri, QHT rəhbərləri iştirak edirdilər. Forumun açılışında universitetin İctimai əlaqələr və media üzrə direktoru Əlövsət Əmirbəyli iştirak etdi. http://www.khazar.org/az/news/article/2730

“Xəzər Universitetində I Çin həftəsi”nin “Ənənəvi Çin oyunlarını kəşf edin” adlı 4-cü günü başa çatdı

2017-ci il dekabrın 7-də Xəzər Universitetinin Kitabxana-İnformasiya Mərkəzi və Hanban/Konfutsi İnstitutunun birgə təşkilatçılığı ilə Azərbaycanda ilk dəfə – “Xəzər Universitetində I Çin həftəsi” tədbirinin “Ənənəvi Çin oyunlarını kəşf edin” adlı 4-cü günü başa çatdı. Tədbirdə Xəzər Universitetinin Beynəlxalq Çin dili və mədəniyyəti müəllimi Li Ya və Konfutsi İnstitutunun əməkdaşları fəal iştirak etdilər. Tədbirin girişində professor Gaojunxia tərəfindən Tai chi – Çin döyüş sənəti tələbələrə nümayiş olundu.

Sonda tədbirdə fəal iştirak edən tələbələrə və Konfutsi İnstutunun müəllimlərinə hədiyyələr verildi. http://www.khazar.org/az/news/article/2711

Dövlət Miqrasiya Xidmətinin 10 illiyi münasibətilə keçirilmiş elmi-praktik konfransın materiallarından ibarət toplu çapdan çıxmışdır

Azərbaycan Respublikası Dövlət Miqrasiya Xidməti və Xəzər Universitetinin təşkilatçılığı ilə Dövlət Miqrasiya Xidmətinin 10 illiyi münasibətilə 2017-ci il fevralın 17-də universitetdə “Azərbaycanda miqrasiya siyasəti: nailiyyətlər və inkişaf perspektivləri” mövzusunda keçirilmiş elmi-praktik konfransın materiallarından ibarət toplu Xəzər Universiteti Nəşriyyatında çapdan çıxmışdır.

30-dək elmi məruzənin yer aldığı toplunun redaktoru Read the rest of this entry »

“Gələcəyini Qur!” Gəncliyə Dəstək Layihəsi Xəzər Universitetində

2017-ci il dekabrın 3-də “Gələcəyini Qur!” Gəncliyə Dəstək Layihəsinin Xəzər Universitetinin “Neftçilər” kampusunda “Məsuliyyət” mövzusunda tədbiri keçirildi.

İştirakçıları salamlayaraq, tədbiri açan Xəzər Universitetinin Beynəlxalq əlaqələr şöbəsinin direktoru Turan Cəfərova layihə haqqında ümumi məlumat verdi. Layihənin könüllüsü Rauf Cahangirov təhlükəsizlik tədbirləri haqqında iştirakçıları məlumatlandırdı. Daha sonra Read the rest of this entry »

Statistika Şurasının üzvü professor Hamlet İsaxanlı şuranın iclasında iştirak etdi

Azərbaycan Respublikasının Dövlət Statistika Komitəsi yanında Statistika Şurasının üzvü, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı 2017-ci il noyabrın 15-də şuranın iclasında iştirak etmişdir.

İclasda əhalinin siyahıyaalınması ilə bağlı sorğu, siyahıyaalma vərəqələrinə daxil ediləcək suallar və “Rəsmi statistika haqqında” AR-nın Qanununa əlavə və dəyişikliklər müzakirə Read the rest of this entry »

Hamlet İsaxanlının şeiri “First” jurnalında çap olundu

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının şeiri dünyaca məşhur “FIRST” jurnalının Müqəddəs Məkkəyə həsr olunmuş xüsusi buraxılışında çap edilmişdir. Read the rest of this entry »