Professor Hamlet İsaxanlı AMEA Rəyasət Heyətinin toplantısında çıxış etdi

2018-ci il aprelin 5-də Azərbaycan Milli Elmlər Akademiyasının Rəyasət Heyətinin toplantısı keçirildi. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı AMEA Şərqşünaslıq İnstitutunun direktor müavini professor Şahin Mustafayevin “Osmanlı təhrir dəftərləri və Azərbaycan tarixi” mövzusunda etdiyi məruzə ətrafında geniş çıxış etdi. H.İsaxanlı tarix fəlsəfəsi, sənədlərin rolu, Osmanlı dəftərləri haqqında mülahizələrini söylədi.

http://www.khazar.org/az/news/article/3087

 

 

Dissertasiya işinin ilkin müzakirəsi keçirildi

2018-ci il aprelin 5-də Xəzər Universitetində universitetin İngilis dili və ədəbiyyatı departamentinin dissertantı Milana Yunis qızı Abbasovanın filologiya üzrə fəlsəfə doktoru elmi dərəcəsini almaq üçün təqdim etdiyi “İngilis dilinin tədqiqinə sosiolinqvistik yanaşmada müasir tendensiyalar” adlı dissertasiya işinin department üzrə müzakirəsi keçirildi. İclasa sədrliyi Magistratura, Doktorantura və Elmi işlər bölməsinin müdiri dosent Eldar Şahgəldiyev rəhbərlik edirdi. Elmi işin rəhbəri professor Fəxrəddin Veysəllidir.

Müzakirələrdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Azərbaycan Dillər Universitetinin əməkdaşları – professor Fəxrəddin Veysəlli (elmi rəhbər), professor Əfqan Abdullayev (rəyçi), dosent Amil Cəfərov (rəyçi), dosent Cəmil Balayev, dosent Qələmşah Heybətov, filologiya üzrə fəlsəfə doktoru İrina Orucova, filologiya üzrə fəlsəfə doktoru Elmira Əliyeva dissertasiya işi haqqında fikirlərini bildirdilər. İclasda, həmçinin, Xəzər Universitetinin əməkdaşları baş müəllim Firəngiz Nəsirova, İlham Tağıyev, Eynur Mehdiyev, Xanım Əhmədova, Leyla Salayeva, Günel Şükürova, Validə Kərimova, Pərvanə Babayeva, Nuranə Fərhadova, Nailə Qasımova, Zamirə Qurbanova, Gülnur Nəbiyeva, Ədilə Abdullayeva da iştirak edirdilər.

Müzakirənin nəticəsində dissertant iclasın iştirakçılarının müsbət rəyini alaraq, müdafiənin növbəti mərhələsinə buraxıldı.

http://www.khazar.org/az/news/article/3088

 

Xəzər Universiteti KUNİB-in Sərgisində

2018-ci il martın 31-də Bakıdakı hotellərin birində KUNİB – Kafkas Universiteler Birliyinin təhsil sərgisi keçirildi. Sərgidə Türkiyənin və Azərbaycanın müxtəlif universitetləri iştirak edirdilər. Sərginin ilk günü rəsmi açılış oldu. KUNİB-in başqanı Ramazan Korkmaz təhsil sərgisində iştirak edən qonaqları salamladı və rəsmi açılışı elan etdi. Açılışda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Türkiyənin Azərbaycandakı səfiri Erkan Özoral, Türkiyə və Azərbaycan universitetlərinin rektorları və digər şəxslər çıxış etdilər. Sonra qonaqlar universitetlərlə tanış oldular. Xəzər Universiteti hər zaman olduğu kimi, bu dəfə də qonaqların və çoxsaylı orta məktəb şagirdlərinin diqqət mərkəzində idi. Sərgidə universitetin İctimai əlaqələr və media üzrə direktoru Əlövsət Əmirbəyli, tələbə və qeydiyyat şöbəsinin müdiri Lamiyə Namazova və Karyera Mərkəzinin meneceri Səbinə Allahverənova iştirak edirdilər. Sərgi iki gün davam etdi.

http://www.khazar.org/az/news/article/3068

Hamlet İsaxanlı Bəstəkarın Yaradıcılıq Gecəsində Çıxış Etdi

2018-ci il martın 30-da M.Maqomayev adına Azərbaycan Dövlət Akademik Filarmoniyasında bəstəkar, Əməkdar incəsənət xadimi Vasif Allahverdiyevin yaradıcılıq gecəsi keçirildi. Tədbirdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı çıxış edərək, Azərbaycan bəstəkarlıq məktəbi və onun görkəmli nümayəndəsi olan Vasif Allahverdiyevin zəngin yaradıcılıq fəaliyyətindən danışdı.

Daha geniş məlumatı bu link vasitəsilə əldə etmək olar:

https://azertag.az/xeber/Bestekar_Vasif_Allahverdiyevin_yaradiciliq_gecesi_kechirilib-1148543.

Professor Hamlet İsaxanlı “Dünya” məktəbinin rəhbər heyəti ilə görüşdü

2018-ci il martın 30-da Xəzər Universitetinin təsisçisi, Direktorlar və Qəyyumlar şurasının sədri professor Hamlet İsaxanlı Xəzər Universiteti nəzdində fəaliyyət göstərən “Dünya” məktəbinin rəhbər heyəti ilə görüşdü. O, ali təhsilə qədər təhsil-təlim-tərbiyə ilə məşğul olan “Dünya Təhsil Kompleksi”nin yaradılması haqqında məlumatı və “Dünya” məktəbinin təsisçiləri – Professor Hamlet İsaxanlı və Nailə xanım İsayevanın imzaladığı uyğun əmrləri iştirakçıların nəzərinə çatdırdı. Hamlet İsaxanlı “Dünya Təhsil Kompleksi”nin tərkib hissələri və inkişafı haqqında fikirlərini söylədi, verilən sualları cavablandırdı.

http://www.khazar.org/az/news/article/3067

Amerika Riyaziyyat Cəmiyyəti və Rusiya riyaziyyat portalı Xəzər Universitetində keçiriləcək konfrans haqda məlumat yaydı

Rusiyanın ən böyük riyaziyyat portalı mathnet.ru və dünyanın ən mötəbər riyaziyyat cəmiyyətlərindən biri hesab olunan Amerika Riyaziyyat Cəmiyyəti (American Mathematical Society) Xəzər Universiteti Riyaziyyat departamentinin təşkilatçılığı ilə 2018-ci il mayın 21-dən 24-dək Xəzər Universitetində keçiriləcək və universitetin təsisçisi, Direktorlar və Qəyyumlar Şurasının sədri professor Hamlet İsaxanlının 70 illik yubileyinə həsr olunan “Operators, Functions, and Systems of Mathematical Physics Conference” konfransı barədə məlumat yaymışdır.

Bu linklər vasitəsilə konfrans haqda daha geniş məlumat almaq olar:

http://www.mathnet.ru/php/conference.phtml?option_lang=rus;

http://www.ams.org/meetings/calendar/mathcal.

Professor Hamlet İsaxanlı “Açıq dərs”in qonağı oldu

2018-ci il martın 28-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı İctimai televiziyada canlı yayımlanan “Açıq dərs” proqramında iştirak etdi. H.İsaxanlı ali təhsilin keyfiyyəti, məzunlar və onların işə düzəlməsi, universitet-sənaye və universitet-orta məktəb əlaqələri barədə fikirlərini söylədi, universitetlərin dünyanın dinamik dəyişmə sürəti ilə hesablaşması yolları kimi məsələlər ətrafında danışdı.

http://www.khazar.org/az/news/article/3063

Hamlet İsaxanlının Yubileyi Mediada

Xəbər verildiyi kimi, 2018-ci il martın 13-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının 70 illik yubileyi ilə əlaqədar olaraq Şəki Şəhər İcra Hakimiyyətinin dəstəyi ilə Şəki Dram Teatrında Ədəbi-Bədii gecə keçirilmişdir. Bu haqda respublikanın bir sıra KİV-ləri (ARB TV, İctimai TV, Lider TV, AzərTAc və s.) xəbər yaymışdır.

Tədbir haqqında bu linklər vasitəsilə daha geniş məlumat almaq olar:

http://sheki-ih.gov.az/news/1446.html;

https://sheki.arbtv.az/az/news/1573

Şəkidə tanınmış ziyalı, riyaziyyatçı-alim, şair Hamlet İsaxanlı ilə görüş oldu

2018-ci il martın 13-də Şəki Dövlət Dram teatrında Şəki Şəhər İcra Hakimiyyətinin dəstəyi ilə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının həyat və yaradıcılığına həsr edilmiş “Bu dünyaya nə gətirdim” adlı ədəbi-bədii gecə keçirildi. Gecəyə dəvət olunan qonaqlar əvvəlcə foyedə nümayiş etdirilən foto-sərgi ilə tanış oldular. Musiqi və incəsənət departamentinin müdiri Zülfiyyə Sadıqovanın rəhbərlik etdiyi Xəzər Universitetinin Kamera Orkestrinin, respublikanın xalq artistləri Azər Zeynalov, Alim Qasımov, əməkdar artistlər Elza Seyidcahan, Fərid Əliyev, Fərqanə Qasımova və Rasimə Seyidcahanın ifasında Hamlet İsaxanlının sözlərinə bəstələnmiş mahnılar ifa olundu. Xəzər Universitetinin nəzdində fəaliyyət göstərən “Dünya” məktəbinin müəllimlərinin səsləndirdiyi şeirləri salondakılar alqışlarla qarşıladılar.

Tədbirin sonunda professor Hamlet İsaxanlı sürəkli alqışlar altında səhnəyə dəvət edildi. H.İsaxanlı çıxış edərək, yüksək səviyyədə təşkil olunan tədbirə görə Şəki Şəhər İcra Hakimiyyətinin rəhbərliyinə, Şəki şəhər ictimaiyyətinə və tədbirin həyata keçirilməsində zəhməti olan hər kəsə dərin təşəkkürünü bildirdi. O, Şəki Şəhər İcra Hakimiyyətinin başçısı Elxan Usubova Xəzər Universiteti adından hədiyyə təqdim etdi. Sonra Şəki Şəhər İcra Hakimiyyətinin başçısı E.Usubov Professor İsaxanlının həyat və yaradıcılığına həsr edilmiş maraqlı gecəyə görə şəxsən Hamlet İsaxanlıya, Xəzər Universitetinin kollektivinə dərin təşəkkürünü bildirdi, öz adından və şəhər administrasiyası adından Hamlet İsaxanlıya hədiyyələrini təqdim etdi.

Tədbirdən sonra Xəzər Universiteti tərəfindən Şəkidəki restoranlardan birində ziyafət verildi.

http://www.khazar.org/en/news/article/3041

“Xəzər Universitetinin Dostları Fondu”nun Təsis Yığıncağı Keçirildi

2018-ci il martın 9-da Xəzər Universiteti Məzunlar Assosiasiyası və universitetin Məzunlarla İş Mərkəzinin birgə təşkilatçılığı ilə “Xəzər Universitetinin Dostları Fondu”nun təsis yığıncağı keçirildi. Məzunlarla İş Mərkəzinin müdiri Baba Bayramlı təsis olunacaq fondun məqsəd və vəzifələri, hüquqları və fəaliyyət istiqamətləri barədə yığıncaq iştirakçılarına məlumat verdi. Fondun Nizamnaməsi müzakirə olunaraq təsdiq edildi. İştirakçılar açıq səsvermə yolu ilə fondun nəzarət orqanı olan Himayəçilər Şurasının üzvlərini seçdilər. BP neft şirkətinin Avropa üzrə Strategiya və İnkişaf direktoru Xalıq Dadaşov Himayəçilər Şurasının sədri, ADA Universiteti Rektor aparatının rəhbəri Şəfəq Mehrəliyeva şuranın sədr müavini və Xəzər Universiteti Jurnalistika departamentinin koordinatoru Cabir Məmmədli şuranın katibi seçildilər. Himayəçilər Şurası üzvlərinin yekdil qərarı ilə Kapital Bankın Baş Ofisinin aparıcı eksperti Ramal Əhmədov fondun prezidenti, Xəzər Universitetinin İnkişaf Mərkəzinin direktoru Raziyə İsayeva fondun vitse-prezidenti seçildilər.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı yığıncaqda çıxış edərək, “Xəzər Universitetinin Dostları Fondu”nun yaradılmasının mühüm bir hadisə olduğunu bildirdi və fondun fəaliyyətində uğurlar arzuladı.

Dil seçimi:
  • Az
  • Ru
  • En
  • De
Official facebook page